Inlåden Warkeldag 09. Märzmånd

Leewe Littmåten un Frünn von den Karkenkring,
nu låd ik wedder in to'n Warkeldag den 9. Märzmånd in Neenhuntrop (Neuenhuntorf), St. Mårienkarken / Neuenhuntorfer Str. 42.

Ingmar Hamann hett us wedder inlådt, Dank dorför.
Wi dreept us in'e Karken to een lüttje Andacht; achteran geiht dat wieter in't Gemeendehuus.
Ik frei mi düchtig, dat Heinrich Siefers toseggt hett, dat he dorto kümmt. He is Dozent bi dat
Kardinal-von-Galen-Huus in Stapelfeld. He deit ok as Afornten för Neddersassen in’n Bundsraat för Nedderdüütsch sitten. För dat Bischöplich Mönstersche Offizialat is he ok Beopdragter för de plattdüütschen Andachten bi NDR 1.

Wo wi allens över hergahn wöllt:
1. Plattdüütsch in de Ollenborger Ökumene
2. Plattdüütsch Agende: Troerfiern
3. 20 Jåhr Plattform Plattdüütsch in de Kark, 8. Maimånd, Soltau
4. Plånen för den Warkeldag 5. Oktobermånd
5. Wat de Enkelten noch seggen wöllt.
Geevt man glieks Bescheed, wat Ji kåmt.