Erhard Brüchert, Ofen

De Wiehnachtstiet is just eerst vörbi, de Rest van 't Silvesteräten liggt noch in de Köhlschapp - un de meersten Lü nördlich van de Alpen hebbt woll wedder 'n por Pund tonomen. Man, wat is mit de Minschen südlich van 't Middelmeer un van de Äquator, ______ dor, wor de Klimaverännerung al am dütlichsten to marken is? Dor gifft dat noch - un ok wedder- Smacht! För mi fung de lange, glückelk Freedenstiet in Düütschland na den 2. Weltkrieg mit Smacht un Dörst an: up de Flucht 1945... ik weer veer Johr oolt... ik heff dat nich vergäten. Dat weer dat eenzigst Maal in mien Laben, wor ich echt Smacht hatt hebb. Wenn ik nu vandag de „Bootsflüchtlinge" ut Afrika up Gran Canaria seen do - in 'n Kiekkasten un na dat Avendbrot -, wenn ik de arm Lü dor seen do, wor ik al fuul in de Sünn leggen hebb - denn krüselt sük dat in mien Kopp. Wi willt vandag up dit Siet doran denken, dat dat noch Overall Smacht in de Welt gifft.

Dat inbraken Water broch de Kumpels in grode Noot

Wat hefft de Footballfrünnen doch för een Puhee maakt um dat "Wunner
van Bern" 1954. Man just negen Jahr later geef dat woller een Wunner,
ditmaal awer van ene ganz anner Aart: dat "Wunner van Lengede"
Daar gung dat woller um olben Mannslü. De speelden awer nich Foot-
ball, man seten in ene Höhl unner afstütte Mergelplaten 55 m unner
Dage, ahne Hapen, de Sünn maal wollertosehn.

Wat weer passeert? Dat Öwer van een van de Kläärdieke harr nich mehr
standholen, un an'n 24. in`n Wienmaand lepen denn 5oo ooo m  Water un

Gubbelkraam in een Bargwark rin,wor 129 Kumpels vor Oort Iesenerz
wunnen. 29 dr van hefft ehre Familjen nich wollersehn, 89 kunnen in
Wääks Tief ut dat kole Lock haalt weern. Man olben Barglü fehlden do
jümmer noch. Laat us is lesen, wo ehr dat gahn is.
Se harrn in enen olen Stollen een lüttjet Huck just baberhalf van dat
Water funnen, wor se sick schulen kunnen. Man de Unnerslag weer man
gode seß maal dree'nhalf Träe groot, dat se sick nich maal langleg-
gen kunnen. Daar seten se denn in ehre meßnatte Kledaasch, ahne Lucht, ahne Äten
und Drinken. An't Lewen hult ehr bloots de döörstrieken Lucht ut ene
tweie Preßluftleitung jichenswor her.

De Dage gungen daarhen. Nix röögde sick. In Gedanken segen se sick
faken bi de Familjen an'n Kökendisch, wor't jümmer satt to eten un
to drinken geef. An'n veerden Dag na dat Desaster fung een van de Barglü an, van dat
Water in ene Kuul in'e Höhl to drinken. Em weer't egaal, of he sick
'ne Süük daarbi haalde. De annern spikeleern dat eerst maal af, of
dat woll gootgung. As he allens öwerstund, iewern se em na, man just
nibbelwies.

De tokamen Dage un Nachten weern ene lange Düsternis. Kien Wunner,
dat al wecke na ene Wääk meenden, wo goot de dat harrn, de al doot
weern. Se harrn all kienen Moot mehr.

Man na teihn Daag fung dat "Wunner van Lengede" an. Do harr jem een
Bohrtrupp funnen. Do keem een Bohrkopp döör de Mergeldeek. Een Hau-
er gung foors na den afstellten Bohrer un geef Kloppteken.
Veer Dage mossen se noch utholen, denn keem een Fahrstieger in ene
Dahlbuschbomb na unnen, ehr up de Bene un in de Rettungsbomb to helpen

Wuddelsapp un een Botterbroot, dat weer dat eerste, wat se to eten kregen . Na veerteihn Daag harr de Smachtlapperee een Enne .Se harrn ene bannig sture Tiet öwerstahn. Of daar nich use Herrgott de Hand mit in't Spill harrt hett?