LEWE LÄSER!

All Daag kann man in`t Blatt wat över Kinner
läsen im meist nix wat goot is. Dat geiht mehrstiets um Kinner, de ehr Recht nich krägen hebbt,
un de düchtig piesackt wurm sünd.
Un denn sünd dar noch de Klagen, dat wi vääl to minn Kinner hebbt.

Geiht um Geld för de Ollern , um Kinnergeld, um Geld för mehr Kinnergaams. Gifft dat nix anners över Kinner to vermellen ?
Amenn lett sik dat gar nich seggen un berichten,
wat een beläwt un föhlt, wenn'n mit Kinner tohoop is.

Dat is säker mehr at de Kardinal Meisner meent,
wenn he seggt: Een Mudder süht, dat de Nees
ehr Kind so lett at ehr eegen, wat schull woll moier wäsen?
Sünd dat nich de lüttjen Oogen, de us mit vääl Tovertroon ankiekt?

Of sünd dat de lüttjen Been, mit de een Kind quicklebennig rumspringt, eenfach man so? Sünd dat de eersten Wöör, de faken so'n beten verdreiht ut den lüttjen Mund kaamt?
Laterhen willt de Kinner allens weten, un wi Groten mööt vääl verklaren Bi mennigeen Fraag kaamt wi darbi ok to'n Nadenken över us un de Welt. Un mööt doch smustergrienen över dat, wat de Kinner sik trechtleggt hebbt. Faken is vääl Spaß darbi. Us Dochter süng jümmers een Leed van de „Ziege Monika", dat harr se in'n Kümergaam lehrt. Wi wuurn  bold wies, dat dat Leed van een „Ziehharmonika" weer. Een Treckbüdel harr se noch nich kennenlehrt.

Vääl Freud un Spaaß

mit Kinner wünscht Jo

E.Coburger

Heinz Edzards

Plattdüütsch annerwegens

Vandagen is twee lüttje Kinnergebeden ut de Auerker Gegend. Se stunnen up de Siet "Platt is Oostfresensaak" in de "Ostfriesische Nachrichten" van'n 3o.4.2oo4. Schrewen hett se Renate Eggen.

Mörgengebedd (Oostfreesk Platt) 
Wat schient de Sünntje al week un warm un killert mi over Gesicht un Arm.
Verswunnen is de düster Nacht, en heller Lücht hett mi anlacht.
Ik spring nu gau herut ut 8edd, em sehn, of Mama al'n Brood smert he
LeV  Gott in d'Himmel nu dank ik di, dat du elke Nacht waakst over mi.

Morgengebett  (Olinborger Platt)
Wat schient de Sünn al week un warm un kiddelt mi öwer Gesicht un Arm.
Verswunnen is de düster Nacht,een hellet Lucht hett mi anlacht.
Ick jump gau ut't Bett, eben sehn, of Moder al`n Broot smert hett.
Lewe Gott in'n Hewen, nu dank ick di, dat du jede Nacht waakst over mi.
 

Avendgebedd (Oostfreesk Platt)

Leev Vader in Himmel - Geev du mi doch 'n Raad, wi schrieven morgen 'n sturen Diktat. Ik hebb ja öv t un daar 'n heel Sett bi seten, man morgen bün ik so upgereegt un hebb 't all weer vergeten.
Ik bidd di nu, stöhn du mien Künn, dat ik bi't Schrieven  wat ruhiger bün.,    r
Ik hoop un wünske gaarneet mehr, ik bün ja al tofree mit 'n Veer.

Abendgebett (Ollnborger Platt)

Lewe Vadder in'n Hewen - Giff du mi doch 'n Raat, wi schrieft morgen 'n stuurt Diktaat. Ick heff ja öövt un daar'ne ganz Tiet bi seten, man morgen bün ick so döör'nanner un heff't all weer vergeten.
Ick bidd di nu, stään du mien Könen , dat ick bi't Schriewen nich so hibbelig bün
Ick haap un wünsch mi gar nix mehr, ick bün ja al tofreden mit `n Veer.

Gerda Fisbeck - Doon weer ehr Ding

Gerda Fisbeck is nich mehr unner us.Ehr Stohl is leddig, un dor is nüms, de up dissen Stohl sik daal setten kann. Ehr Doon un ehr Wark hefft een egen Klöör; dor is kieneen, de disse Klöör just so up'n Weg bringen kann as se. Se hett wat daan; un wat se dee, dat harr'n fasten Bodden unner sik, dat weer kien spillern Kraam. Männigeen Spoor hett se leggt; dat sünd Sporen, de wi ok noch in de
tokamen Tiet in'e Kunnen kriegen köönt.

Gerda Fisbeck is up mehr äs enen Padd topen. Toeerst weer dor de Familje, de stund bi ehr ganz haben an. Meist veertig Johr hett se aver ok in'e School ehr best Been na vorn sett. Just so röög se de Hannen för "ehr" Dörp Loy, för de Gemeen Raast un för't Ammerland. Kommunalpolitik hett se nie nich för een Partei maakt; jümmer weer'n dat de Minsehen in de enkelden Dörper, för de se
wat doon wull.

Wat se allns för de plattdüütsch Spraak in Gang brocht hett, dat is meist gor nich uptotellen. As Mestersche broch se Plattdüütsch in'e School un stell för de Jungs un Deerns ut Loy de "Loyer Plattsnacker" up de Been. Ok för'n Mesterkring in'n "Spieker" dee se'n Barg.
Dat Leesbook "Snacken un Verstahn" broch se mit up'n Weg. Van 1986 bit 1999 hulp se mit, dat de Siet "Snacken un Verstahn" van'e Nordwest-Zeitung all veer Weken unner de Lüe keem. För disse Siet broch se jümmer woller ehre Gedanken up'n Disch. Dat disse Siet enen fasten Grund krägen hett, dat is ok ehr mit to verdanken. För de "Rasteder Rundschau" schreev se teihn Johr lang plattdütsche Texte. Ok bi de Volkshochschool Ammerland dee se wat för Plattdüütsch, un just so bi de "Oldenburgische Landschaft".
Gerda, wi dankt di!

 Detmar Dirks